مين اللي خلق ربنا ؟ اليكم الإجابة
هذه حوارات محرجه وصعبه بين الابن والتلميذ مع اباءهم واستاذهم ولكن قبل أن نستعرض هذه الحوارات هناك مقولة للشيخ متولي الشعراوي ٠٠٠٠
يقول ربنا لا يمتثل لقوانين العالم الذى هو خلقها ( ليس كمثله شيء).
تخيل أنك أحضرت قطعة خشب وبنيت بيت صغير لعصفور فهل انت مجبر لكى تعيش فى البيت الذى انت بنيته ؟؟!!
اكيد لا ولله المثل الأعلى إذن فسؤلك مغلوط مثلا آخر أنت لسه متعرف على احد الاشخاص هل تسأله أأنت عندك اولاد ولا لا ؟
لكن المفروض لن تسأله اولا انت متزوج ام لا ؟ فإذا قال نعم متزوج ساعتها أسأله أعندك اولاد ٠
إذن قبل ما تسأل مين خلق ربنا
المفروض تسألني سؤال قبلية هو ربنا الخالق والإجابة ان ربنا لم يُخلق لأنه مش مخلوق إذن سؤالك ليس له محل من الإعراب ٠٠٠٠٠
بداية الحوار ......
طفل يسأل مدرسته ٠٠٠٠ مس بعد اذنك كنت عايز اسال سؤال ؟
أتفضل يا محمد ٠٠٠ مس دلوقتى انا ربنا هو اللي خلقنا وخلق بابا وماما ٠٠٠ مين بقى إللى خلق ربنا ؟؟
المعلمة: قد أثار السؤال في نفس زمايله اصلا وكلهم قالوا : صح يا مس ربنا جه منين ؟؟
انظروا كيف اجبت على السؤال ولكى ازياء الشبهة من عقولهم فكانت إجابتي على عدة محاور......
طلبت منه يحضر لى كوب من الماء قلت له عايزين طعمها يبقى حلو قال لي : نحط فيها سكر
قلت له : بالله خليها حلوه جدا وتأكدت انها بقيت حلوه جدا قلت له : انك خليت المياه حلوه خلى السكر يبقى حلو
قال لى : يا مس لا ينفع لان السكر اصلا حلو !!
فقلت له : طيب أهو ربنا اصلا محدش خلقه هو كده فلما تقول لي مين اللي خلقه وجه منين ها قول لك ما ينفعش نقول كده لأنه لم يأتي من مكان تانى.
٠٠٠٠ ربنا له صفات وصفاته ليست مثل صفاتنا
زى ما السكر من صفاته انه حلو ف ربنا من صفاته انه خالق وليس بمخلوق ٠
المحور الثاني ٠٠٠
سالته مين طلع الاول في الامتحان اللي فات ؟؟ قال : مريم.
قلت له : حلو قوى مين اللي قبلها بقى ؟؟
قال لى : محدش علشان هي الاولى ٠
قلت : يا ابنى ايوه يعنى مين قبلها ؟؟؟
قال لى : مفيش حد يا مس ؟ قلت له : هل هذا ينفع ؟
قال لى : نعم !!! ينفع علشان هى الاولى ٠
قلت له : جميل ربنا ايضا في سورة الحديد يقول لنا بعض من صفاته التي نحن البشر لا نعرفها
فسبحانه وتعالى يقول ( هو الأول والآخر والظاهر والباطن ).
يعنى ايه الاول يعنى ان ربنا ليس قبله أحد
قال لى : يعنى منين بردوا ؟؟!
قلت له : لماذا قدرت تصدق ان مريم هي الاول مفيش احد قبلها.
ولا تصدق ان ربنا انه الاول مع ان ربنا أخبرنا هكذا فى القران ؟؟!!
---- طيب سوف اسألك سؤال آخر ٠٠٠ من الذى صنع هذا الباب ؟؟ قال لى : النجار
قلت له : جميل والباب بتكون من ماذا ؟؟ قال لى : من خشب وحديد.
قلت له : هل يستطيع الباب نفسه يقدر يعمل اللى يعمله النجار ؟؟ قال لي : لا طبعا لا ينفع
قلت له : هل يقدر الباب أن يأكل ويشرب ويحرم ويتنفس ووووو؟؟
قال لي : لا طبعا يا مس الباب جماد واحنا بشر ٠ قلت له : جميل أهو مش ربنا الذي خلقنا ؟؟
قال لي : نعم
قلت له : نحن برضه مش شبه ربنا وليس لنا صفات مثل ربنا وإلا كان الباب يبقى شبه النجار.
ف ربنا قال لنا في القرآن أنه ( ليس كمثله شيء ) يعنى ربنا ليس أي شيء في الدنيا دي ؟؟
ولهذا يجب ان تعرف ان الإنسان يجب ان هناك من خلقه طب مين
الذى خلق الانسان انت كده بتشبه ربنا بينا لكن هو مش شبهنا اصلا ٠
----- محمد لو فضلنا نسأل مين خلق ربنا ولقينا الإجابة ٠٠٠
ها نسأل مين الذى خلق اللى خلق ربنا وبعدين مين الذي خلق اللى خلق اللى خلق ربنا والحكاية مش ها تخلص وهذا مش صح اصلا
ولكن الذي ليس هناك خالق لربنا علشان هو الخالق الأول ٠
---- تعرف يا محمد جاء أحد الصحابة سأل مثلك مثل السؤال للنبي صلى الله عليه وسلم ؟؟
قال مستغربا وماذا قال له النبي صلى الله عليه وسلم ؟؟
قلت له : قال النبي له لا تفكروا فى الله ولكن تفكروا في آلاء الله يعنى لما السؤال يجي فى ذهنك.
فورا اصرفه علشان هذا من الشيطان وقول آمنت بالله واستعذ بالله من الشيطان الرجيم.
وفكر فى الحاجات اللى خلقها ربنا سوف تعرف ان ربنا عظيم
وأقرأ سورة الاخلاص واتفل على يسارك ٣ مرات وبكده تبقى انت تمام عرفنا بقى لو السؤال ده جه
فى دماغنا ها نعمل ايه ؟؟ كلهم قالوا لى نعم عرفنا مين إللى خلق ربنا ؟ ثم قالوا ربنا لم يخلق
ربنا قوى ولا احد يقدر يخلق ربنا وبس كده ٠
٠٠٠٠٠٠٠ هناك بنت بتسال والدها
بابا لماذا ربنا خلقنا ووضع لنا جنه ونار يعطينا جنه اذا عملنا اشياء كويسه ويحطنا فى النار
اذا غلطنا طيب ما يخالفنا فى الدنيا وخلاص وإلا يحطنا في الجنة على طول ؟
قال لها ابوها : انت شايفه الكتاب الذى على الرف هذا ؟
قالت له : نعم
قال : خذي الكتاب من مكانه وسوف أعطيك ١٠٠ جنيه هل انت خسرانه شيء ؟
قالت : لا
قال لها : طيب لو قلت لك خذيه واعطيك ١٠٠٠٠ جنيه فهل انا محتاج انك تأخذيه ؟
قالت له :لا
قال لها : هل ربنا محتاج لعبادتنا ؟
قالت: لا
قال لها : ربنا قال لنا ٠٠٠ لو عملت هذا سوف يدخلك الجنة خلود بلا موت وجنة عرضها السموات والأرض
ولو مسمعتش الكلام ها تتعاقب خسران آيه لو سمعت الكلام ٠
يجب عليك تسجيل الدخول لتستطيع كتابة تعليق