القراءة الاولي هل في عودة للشريك قريبا

هتكون في عودة قريبا وبداية جديدة وانتهاء لاي مشكلة حصلت بينكم

شريكك عمره ما نساك من ساعة ما بعدتوا عن بعض و مسيطر علي تفكيره طول الوقت لانك الوحيد ايلي قدرت تخليه يحبك

هيرجع بعرض جواز وهيعمل اي حاجة عشان مترفضهوش ولو طال انه يركع عشان تسامحه وتوافق علي الارتباط بيه هيعمل كدة

هيحاول يثبتلك انه اتغير للاحسن وانه هيكون الشخص ايلي بتتمناه

واي اسرار كان مخبيها عليك هيقولها عشان هو عارف طول ما العلاقة فيها غموض و اسرار طول الوقت هيفضل فيها مشاكل و هيخسرك

هو شايف انك ملكه واتخلقت عشانه ومش عايز يشوفك مع حد غيره عشان لو دا حصل مش هيسامح نفسه ولا هيقدر

يحب حد تاني حب حقيقي زي ما حبك

لو في ناس حواليه كانوا هما السبب في البعد خصوصا لو كانوا اهله فا مش عايز يسمعلهم زي الاول

وشايف ان دي حياته الخاصه و المفروض انهم ميتدخلوش فيها ورافض اي نقاش تاني معاهم في الموضوع ده

انتظر قريبا عودة مع كلام رومانسي وتعامل اول مرة تشوفه منه واحتمال يفاجئك بهديه

لما يرجع تتعامل معاه ازاي

خليه يشوفك سعيد و مبسوط وعايش حياتك ومكونتش قاعد منتظر رجوعه وخليك حذر معاه بعد كدة في التعامل

يعني شد و ارخي وانك مش مضمون وممكن لو زعلك تاني او قرر يبعد عنك تاني انت كمان هتبعد و مش هتجري وراه

خليه يشعر ان ليك اهتمامات تانيه في حياتك غيره وانه مش محور الكون و حسسه انك مهما سامحته فانت مش ناسي اي حاجة عملها معاك ضايقتك

ولو كنت اغلب الوقت بتحتاج مساعدته في اي حاجة في حياتك و معرفه خط سيرك فا الغي الموضوع دا نهائي

لازم يحس ان ليك حياتك المستقلة بعيد عنه

واعمل توازن بعد كدة بين قلبك وعقلك معاه في التعامل وياريت التعامل بالعقل يكون اكتر هتقدر انت تكون المسيطر وهيخاف يخسرك تاني

لو كان سبب البعد الخيانه حسسه انك تقدر برضه تخون وتعرف غيره حتي لو مش هتعمل كدة

القراءة التانية هل في عودة للشريك قريبا

في عودة قريبا جدا وصلح وعلي الاغلب هتكون بداية الكلام بينكم نت او تليفون لان ممكن يكون كل واحد فيكم في بلد

شريكك متعلق بيك وحاول ينساك او يعوضك بشغل او بعلاقة تانية معرفش برضه واي نجاح بيحققه في حياته مش حاسس بيه وشايف انه حياته من غيرك ملهاش قيمه

عايزك تكمل معاه حياته وشايفك في مستقبله

في مراقبة قويه منه واي حاجة كانت بتشغله عنك و بتخليه بطيء او متردد انه يعمل خطوة ناحيتك رماها ورا ضهره

شايفة ان الشريك لو مسافر هيجيلك مخصوص وهتلاقي حجات كتير في طبعه وشخصيته و حياته متغيره

لسة فاكر نصايحك ليه ووقوفك جمبه و بيعمل بنصايحك علي فكرة بس مكنش بيبينلك

بس لما يرجعلك اي حاجة كنت بتقولهاله و بتنصحه بيها هتبان عليه و مش هيتظاهر انه بيستهتر بيك او بكلامك زي زمان

وهيعرفك ان اي نجاح حققه في حياته كنت انت السبب فيه

بس مكنش بيحب يبينلك ده عشان متشوفش نفسك عليه

كمان لو كان سابك عشان علاقة تانية فاحصل بينهم انفصال وعلي الاغلب كانت علاقة جواز لان ظاهرلي ان في طلاق

الاشخاص ايلي كانوا في علاقة جواز وحصل طلاق في عودة

وصلح بس بطيئة شوية

العودة القريبة تنطبق اكتر علي غير المتزوجين

لما يرجع تتعامل معاه ازاي

بلاش تكون عصبي و خليك بارد جدا حتي لو من جواك عايز تزعق و تتخانق معاه

خليه يشوفك وانت مهتم بنفسك بمظهرك و متجدد بس الاهتمام دا في الاول يكون عشانك انت قبل ما يكون عشانه

خليك غامض معاه وخليه دايما متحير ومش عارف يرضيك ازاي متكونش صريح معاه طول الوقت زي زمان

خليه ميعرفش ليك ماسكة واي نقط ضعف كان بيضمنك منها قبل كدة اعمل عكسها وخليه يحس ان نقط الضعف دي كان مجرد كلام بتقوله لكن الحاجة دي مش فيك

غالبا شخصية شريكك محتاجة الشخص ايلي يلوعه ويلففه حوالين نفسه

عايزة بس اقول حاجة عشان محدش يفهمني بصورة غلط

انا مش طالبة انك تعمل خطط او تمثل علي شريكك عشان

تجذبه ليك وتخليه خاتم في صباعك لا خالص

اتعامل معاه بطبيعتك بس بحذر ولو عرفت نقط القوة والضعف ايلي في طبعه و شخصيته هتقدر تتعامل معاه بدون ما تمثل

ولو حسيت ان التعامل معاه صعب اوانه بيتظاهر انه اتغير عشان يكسبك تاني ولسة من وراك زي ماهو خلاص مترجعلوش

خصوصا انك مهما تعمل معاه مفيش حاجة بينكم بتتحسن حتي لو كنت بتموت فيه

ممكن تشوفوا القرائتين بيكملوا بعض وكمان قريبين من بعض جدا